اجرحيني كان ترضيك الجروح
و اتركيني دمعة في خد الجراح
عذبيني بالهوى راضي سموح
في عذاب الحب لذة و ارتياح
بالجروح أرضا و عني لا تروح
لا تغيب أرجوك يا سيد الملاح
حيث وصلك للجسد قلب وروح
و قلبي بوصالك تهنا و استراح
إنتي لي دنيا السعادة و الفروح
و أنسى أحزاني بقربك و النواح
و في غيابك دمعتي بسري تبوح
و الالم و الجرح في قلبي وشاح
كل ليلة في رجاك ابكي و أنوح
و أسهر لوحدي معذب للصباح
أسعديني بشوفة الوجه الصبوح
و اتركيني دمع في الخد الجراح
شعر / مصبح قاسم ابو عبدالله
